user

Hesablama Palatası Vətəndaşlara Xidmət və Sosial İnnovasiyalar üzrə Dövlət Agentliyində yoxlama aparıb

hesablamapalatasi 1

Hesablama Palatası Kollegiyasının növbəti iclası keçirilib. Rəsmi məlumata görə, kollegiya iclasında dövlət büdcəsindən Cəlilabad Rayon İcra Hakimiyyətinə, Vətəndaşlara Xidmət və Sosial İnnovasiyalar üzrə Dövlət Agentliyinə ayrılan vəsaitlərin istifadəsinə dair nəzarət hesabatları müzakirə olunub. Hər bir nəzarət tədbiri üzrə kollegiya qərarının layihəsi təsdiqlənib. Qərarların icrasını təmin etmək məqsədilə aidiyyəti dövlət qurumlarına təqdimatların göndərilməsi və audit tədbirlərinin nəticələri barədə məlumatların Milli Məclisə təqdim olunması qərara alınıb.

Kollegiyada Hesablama Palatasının 2016-cı il iş planında nəzərdə tutulmuş bir neçə nəzarət tədbiri ilə bağlı proqram təsdiq edilib, həmçinin aparılmış audit tədbirlərinin nəticələri üzrə qəbul edilmiş təqdimatların icrası vəziyyəti barədə məlumat dinlənib.

________________________________________________________________________________________________________________________
Bu səhifə Amerika Birləşmiş Ştatları İnkişaf Agentliyinin (USAID) maliyyə dəstəyi ilə “Şəffaflıq Azərbaycan” İctimai Birliyinin icra etdiyi Azərbaycan Şəffaflıq Tərəfdaşlığı (AŞT) layihəsi çərçivəsində hazırlanıb. Səhifədə gedən yazılar “Şəffaflıq Azərbaycan”ın, USAID-in, ABŞ hökumətinin rəsmi mövqeyini əks etdirmir və onlara görə yalnız müəlliflər məsuliyyət daşıyır.