“Şəffaflıq Azərbaycan” təşkilatının nümayəndəsi Məhəmməd Muradov Bakı şəhəri, Nəsimi rayonu, 159 saylı orta məktəbdə ümumi orta (9-cu sinif) təhsil səviyyəsi üzrə keçirilmiş buraxılış imtahanını müşahidə etmişdir. Müşahidə zamanı (i) buraxılış rejimi, (ii) bina nümayəndəsinin vəzifə təlimatları, (iii) şagirdlərin psixoloji durumu, (iv) məmnuniyyətin ölçülməsi, (v) müşahidənin aparılması metodu ilə bağlı bəzi məsələlər aşkarlanmış və daha sonra isə həmin məsələlərin həlli istiqamətində 9 tövsiyə təklif edilmişdir. Continue reading
Hökumət, Biznes və Vətəndaş Cəmiyyəti Üzvləri Nağdsızlaşma ilə bağlı yeni qaydaları müzakirə etdilər
“Şəffaflıq Azərbaycan” Korrupsiyaya Qarşı Mübarizə ictimai birliyi (ŞA), Amerika Birləşmiş Ştatları Beynəlxalq İnkişaf Agentliyinin (USAID) dəstəyi ilə “Nağdsızlaşma ilə bağlı yeni qaydalar: necə başa düşülməli və necə icra edilməli?” mövzusunda dəyirmi masa keçirib. Tədbir Azərbaycan Şəffaflıq Tərəfdaşlığı (AŞT) layihəsinin biznes komponenti çərçivəsində hökumət qurumları, biznes və qeyri-hökumət təşkilatları arasında dialoqun qurulması və hökumət idarələrində və proseslərində şəffaflığın və hesabatlılığın artırılması məqsədilə keçirilən silsiləvi tədbirlərin davamıdır. Continue reading
Hökumət və Vətəndaş Cəmiyyəti Üzvləri Azərbaycanda dövlət satınalmalarında şəffaflığın artırılması yollarını müzakirə ediblər
Niderland Xarici İşlər Nazirliyinin maliyyə dəstəyi ilə Avrasiya Əməkdaşlıq Fondu tərəfindən icra olunan “Azərbaycanda İnsan Haqları, Demokratikləşmə və Yaxşı İdarəetmənin Təşviqi” proqramının komponentlərindən biri olan “Dövlət satınalmalarının şəffaflığının artırılması” layihəsi çərçivəsində Azərbaycanda dövlət satınalmalarında şəffaflığın artırılması mövzusunda dəyirmi masa keçirilmişdir. Continue reading
Pul vəsaitlərinin nağdlaşdırılması ilə bağlı problem həll olundu
Aprelin 29-da Maliyyə Bazarlarına Nəzarət Palatasının sədri Rüfət Aslanlı QHT sədrlərinin və media nümayəndələrinin, eləcə də Prezident Administrasiyasının ictimai-siyasi məsələlər şöbəsinin müdir müavini Tahir Süleymanovun da iştirakı ilə görüş keçirib. AR Prezidenti yanında QHT-lərə Dövlət Dəstəyi Şurasında təşkil olunan dəyirmi masada son zamanlar QHT-lərin hesablarına daxil olan vəsaitlərin nağdlaşdırılması ilə əlaqədar yaranmış problemlərin müzakirəsi aparılıb. “Şəffaflıq Azərbaycan” təşkilatının icraçı direktoru Rəna Səfərəliyeva da görüşdə iştirak etmiş və aşağıdakıları nəzərə çatdırmışdır: Continue reading
Pul Vəsaitlərinin Nağdlaşdırılması ilə bağlı BƏYANAT
Problem: “Şəffaflıq Azərbaycan” təşkilatı vergi ödəyicilərinə münasibətdə “Nağdsız hesablaşmalar haqqında” qanunun (bundan sonra “Qanun”) tətbiqi prosesini diqqətlə izləyir. Təşkilatımız eyni zamanda Qanunun tələblərinin praktikada fərqli şəkildə tətbiq olunduğunu nəzərə çatdırır, onun düzgün tətbiq edilməməsinin biznes və QHT sektoruna mümkün mənfi təsirlərindən narahat olduğunu bildirir. “Şəffaflıq Azərbaycan” təşkilatı ölkədə nağdsızlaşma prosesini dəstəkləyir, lakin bu prosesin nağd əməliyyatlara total qadağa qoyulması yolu ilə deyil, ağlabatan məhdudiyyətlərin tətbiqi vasitəsilə təşviq edilməsini dəstəkləyir.
Son vaxtlar Qanunun tələblərinin icrası adı ilə banklar tərəfindən müştərilərə (biznes subyektlərinə), o cümlədən QHT-lərə münasibətdə bir sıra problemlər yaradılması müşahidə olunur. Elə təəssürat yaranır ki, Qanunun qüvvəyə minməsi ilə əlaqədar olaraq Maliyyə Bazarlarına Nəzarət Palatası (bundan sonra “Palata”) tərəfindən 4 aprel 2017-ci il tarixli 04/15-174 nömrəli banklara göndərilən Qanunun icrası ilə bağlı göstəriş məktubu banklar tərəfindən aydın anlaşılmamış, bütün hüquqi şəxslərə və fərdi sahibkarlara, o cümlədən QHT-lərə münasibətdə tətbiq edilməyə başlanmışdır. Nəticədə, QHT-lərin fəaliyyətində bir sıra problemlərin yaranmasına səbəb olmuşdur. Continue reading
Hökumətlə Vətəndaş Cəmiyyəti Üzvləri Azərbaycanda əhalinin məşğulluq səviyyəsinin artırılması mövzusunu müzakirə ediblər
“Şəffaflıq Azərbaycan” Korrupsiyaya Qarşı Mübarizə İctimai Birliyi, Amerika Birləşmiş Ştatları Beynəlxalq İnkişaf Agentliyinin (USAID) dəstəyi ilə “Azərbaycanda əhalinin məşğulluq səviyyəsinin artırılması” mövzusunda dəyirmi masa keçirib. Tədbir Azərbaycan Şəffaflıq Tərəfdaşlığı (AŞT) layihəsi çərçivəsində hökumət qurumları ilə qeyri-hökumət təşkilatları arasında şəffaflığın və hesabatlılığın artırılması məqsədilə keçirilən silsiləvi tədbirlərin davamıdır.
Azərbaycan Şəffaf Dövlət Satınalmaları Reytinqi üzrə qiymətləndirilib
“Şəffaflıq Azərbaycan” təşkilatı Gürcüstanın İnformasiya Azadlığının İnkişafı İnstitutu tərəfindən icra olunan “Şəffaf Dövlət Satınalmaları Reytinqi” layihəsində tərəfdaş qismində iştirak edir. Layihə çərçivəsində “Şərq tərəfdaşlığı” üzv dövlətlərində – Azərbaycan, Belarus, Ermənistan, Gürcüstan, Moldova və Ukraynada dövlət satınalmaları sahəsində qanunvericiliyin qiymətləndirilməsi aparılıb və 5 ölkənin vətəndaş cəmiyyəti nümayəndələri də tərəfdaş kimi qiymətləndirməyə cəlb olunub. Layihənin məqsədi sözügedən 6 ölkədə dövlət satınalmaları qanunvericiliyinin və onun icra vəziyyətinin qiymətləndirilməsidir. Qiymətləndirmənin qanunvericiliklə bağlı nəticələri açıqlanıb, icra vəziyyəti barədə nəticələrin isə yaxın zamanda dərc olunması nəzərdə tutulub. Continue reading
Hökumətlə Vətəndaş Cəmiyyəti Üzvləri Fərdi yaşayış evlərinin istismara qəbulu mövzusunu müzakirə ediblər
“Şəffaflıq Azərbaycan” Korrupsiyaya Qarşı Mübarizə İctimai Birliyi, Amerika Birləşmiş Ştatları Beynəlxalq İnkişaf Agentliyinin (USAID) dəstəyi ilə “Fərdi yaşayış evlərinin istismara qəbulu: problemlər və onların həll yolları” mövzusunda dəyirmi masa keçirib. Tədbir Azərbaycan Şəffaflıq Tərəfdaşlığı (AŞT) layihəsi çərçivəsində hökumət qurumları ilə qeyri-hökumət təşkilatları arasında şəffaflığın və hesabatlılığın artırılması məqsədilə keçirilən silsiləvi tədbirlərin davamıdır. Continue reading